السلام عليكم اخواني الغوالي حبيت نشارك معاكم ولو بجزء بسيط وعندي شوي شتاوي عالمرهون لان قصة المرهون لعند توه ماحد دارلها حل وانا من الناس اللي واجعني حال المرهون لانه هو اللي واكلها وهذين الشتاوي فيهن مع وضد المرهون بيش ما حد يزعل؛؛؛؛

بكيت وقلت الله الله**عزيز يعرفني بضناه
نهار فراقه عمرك ريت** ذهبنا في صاحبت البيت
تصور من فرقا غالي** لين نسيت كبير عيالي
يوم خطا مرهون نعاني** ذاهب جابوني جيراني
لو تعلام نهار خطاهم** حتى في واشوني واهم
يامرهون نويت فراقي** لكن ياداير يا لاقي
ياخذ سوك يا مجروحة** ما ضر عزيز الا روحه
دار المرهونين انظني** خليت مالدوج الا مني
عزيز تزوج دار عويل**يقمط ويرضع وايشيل "خلي عالدنيا"
لو ماصار نصيب معاهم**بنتي نعطيها لضناهم
طلق يامرهون فداك** نلم دبشها نا وياك
نار المرهونين كلتني**هفو ابيض طاير خلتني
قديم نسينا نا والعين**هلبنا صوب المرهونين
ميت ليه زمان دفنته**صوب المرهون تعيش انت
عالمرهون موسع بالي**لو يقعد للعام التالي
وين على المرهون نعيط**سابع جار غذاه يشيط
مانحساب اللي نبيهم**لقسام ايجيبن خاطيهم
بعيد السو على المرهون** اللي درنا منا واشون
رضايا يامرهون عليك**رضا ما نلته من والديك
لا ما عندي ليك سماح**انت مرهون وصوبك راح

دار وراي ودار إصداري** منهن وين إنشيل أنظاري
يامرهون بلاك احملنا** صار دعا شر فضيتلنا
يامرهون استانسنالك** تاريتك شاقي في حالك
نبقى كي المريض الصايف** وين علي المرهون إرايف
يلي تميتوا بعربكم** كل منام إيجي جايبكم
متمنيه غني جا فاضي** حتى حلامه نا راضى