ملتقى الأحبة
غناوي عالغني   آخر مرسل: الخياله ردود: 63   شتاوي وغناوي القديم من أختياري @   آخر مرسل: الخياله ردود: 79   الدااار والاوهام اللي عنده غناوه عليهن يجود   آخر مرسل: الخياله ردود: 397   غناوي وشتاوي عالنسيان_   آخر مرسل: الخياله ردود: 27   غناوي وشتاوي علي لقسام واللي عنده ايقول   آخر مرسل: الخياله ردود: 42   غناوي عالحن_   آخر مرسل: الخياله ردود: 26   شــتاوي ع المـــرهـون . . .   آخر مرسل: الخياله ردود: 180   تحدي القديم والجديد واللي يحب العناد يقرب جاي   آخر مرسل: الخياله ردود: 966   عبر عن حالتك توا بغناوة أو شتاوة   آخر مرسل: الخياله ردود: 2372   غناوي وشتاوي عالغياب_   آخر مرسل: الخياله ردود: 21  


للمشاركة و الإطلاع على الأقسام الخاصة يجب عليك التسجيل و فتح حساب جديد في غوالي

اضغط هنا للتسجيــل




 


غناوي وهجاوي الرحا اللي عنده يتفضل ايضيف هنا


الموضوع السابق | الموضوع التالي
انشره في Facebook انشره في Twitter


كتابة موضوع جديد الرد على الموضوع
 عدد المشاركات 52  { VISITS } مشاهدات: 1237  المعجبون المعجبون: 0  المتابعون المتابعون: 1 
الكاتب مشاركة
#1 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة


السلام عليكم ورحمته الله وبركاته
اعضاء غوالي الكرام


يتكون الرحا

تتكون من دفتين سفلية وعلوية لا يوجد بينهما حاجز ويثبت في وسط الدفة السفلى مسمار من الحديد يدخل في فتحة دائرية بقطر خمسة سنتيمترات تقريباً بالدفة العلوية التي تثبت بها قطعتين من الخشب على جانبي المسمار تسمى (الفرش) ويسمى هذا المسمار (قلب الرحى)، وفى طرف الدفة العلوية يثبت قضيب من الخشب بطول قبضة اليد ويسمى (الشظ) يمسك به أثناء (الرحى) الطحن.

وأثناء طحن الغلال تردد النساء بعض الأهازيج التي من شأنها أن تخفف عنهن عناء العمل، وعادة ما تحمل هذه الأهازيج إشارات معينة نحو موضوع ما ، وتختلف الأهازيج من أداء فردى من قبل امرأة واحدة ، إلى أداء جماعي تشترك فيه عدة نساء كما تختلف أنواع الأهازيج، فمنها ما يشبه (غناوة العلم) ومنها ما هو قصيدة من عدة أبيات وتسمى أهازيج في التراث الشعبي بــ (المهاجاة) أي المحاكاة بين المرأة والرحى . .


وهده مجموعه من الهجاوي التي تغنت بها امهاتنا

تعدرت ماجابهم عدر وحلفت ماصدقوني

وقولولهم يطلقو النار وكان يقدرو يحرقوني



ياقلب يامذهب الكلب غير ليه ماتكافي بنادم

لانك اصغير ويوروك ولانكش في الراي عادم



إن عاب صاحب لا تعابيه راه صاحب العيب نادم

إيزل القلم فيد قاريه يابال عقل البنادم


ما يعجبنك تباريق دون ما ادوس الدخايس

راه ولد سقطة الريق أتجيبك لدار النقايص



يا فاعل الخير لاقيه ويا فاعل الشر نادم

اللي يعابيك لا تعيبه راه صاحب العيب نادم



يا حاج لو ريت هلنا زينين ماهم وعـارا

ما يضربوا غير بالسـيف ويتحزموا ع الغــدارا



هلنا وضناوين هلنا وهات قرعتك يا معاشي

هلنا اليا صار ما صار ايجو معريين الشواشي



لا عندنا دونهـم دون ولا زول يردع غلاهـم

اجعل زنادي يكـذب زول العدو كين جاهـم



غرب وخش الرقاريق وجن موج الابحار دونه

يا الله يا عالين فوق حجب على زول خونا



يا ولد العز صحيت بي الفعل كلامك عطاني

شي بيه يا خوي تميت نشعر ونكتب غناني



نا يا خوي أنوصيك الدم الردي ما إيونس

أنشد علي بنت الاصول كيف الكحيله المجنس



العفن رانك اتماريه ورانك اديره قميرك

غير فوت عنه وخليه يوحل مع ناس غيرك



اللي حابك وايش بيدير واللي كارهك وايش داير

وبلا الله ما شي بيصير وبالله كل شي صاير




غير خيركن ياعيوني نوم الهنى ماعاد جاكن

فى القايله بتوجعوني وفي الليل كاثر ابكاكن


في سبيل الرحى عامرا لبيت بوملك واسع مـداره

طول أيامه ونجـيه عليه ما أنمو جو سماره



عز الولد عقل و إزناد وعز البنات الرزينة

و عز الوطى سيل بداد إيخلف نوارير زينة



يا ولد سقاطة الريق اتجيبك للدار النقايص

ما يعجبنك تباريق دون ما توق التخايص



اللي كاسبك كاسب الخير عليه ما تميل أخدودي

ها يا رحا يا رحـيا وين ما نلومك تجـودي


هذه رحاتنا ثقيلة ومانا علهيا قـوادر

تعالي يا وديـد يا أم السوالف حوادر


طحن الرحا شين مكروه لا نقبله ولا نريده

يخطر علي الغوالي اللي في البلاد البعيدة



نا يا رحا وين نطريك يخطر الغايب عليـنا

ينهال الدمع ويجـيك يبقي دقيقك عجينة



عيب الجمل قلت النقل و عيب الحصان الحراني

عيب الولد قلت العقل إيظهر جوارح اللساني



لا تشد حتى أتلجم وتقنط أبدود الشريحه

ولا أتعل حتى أتوجم بالك الكلمة فضيحة



مرحول واربع مراحيل ومرحول هاذا امباته

ومرحولكم يا غوالي شغل خاطري قبل ماته



ما نرقد الليل كله ولا نضحك ولا أنجامل

من طول ياسكم يا غوالي الخاطر ذبل غير حامل


أجعل كل ممدود مردود وأجعل كل عوجه سقيمة

وأجعل مخطرك يا الغالي معول مع الريح ديمه



إللي باتها في المواعيد تنباع بسوم غالي

و اللي باتها في الملاحيد حالها كيف حالي


الصبر عند العرب مر وعند العوارف شجاعة

اشريه يا زايد العقل لوكان مولاه باعه


اللي ما قرا ما عرف الفرض حتى إن تاب مازال جاهل

واللي ما مشى ما عرف الأرض وما يوردك عل المناهل



( وهده مجموعه للفخر بالاهل )


وديانا اللي سماح ونجوعنا اللي حداهن

هن عز للضيف والجار ويحمن الخايف ان جاهن


مادمهم غير كداب والله عدو كارهينه

هم كيف بو زيد ودياب سمح التنا جايبنه


نوصي ياخاطر الليل ما تدوخ بين النزالي

وانشد علي نجع هلنا انعشوك والمير غالي



ناهلي زينين زينين فراسين ماهم معاره

ان كان حاربو مايدلو وان ميعدو هل ادباره



انتي هلك يا عين زينين زينين وبيت الكرم بانينه

لاصنقرو في مواعيد ولا جارهم خاينينه


شراية اللي مرصع من السوق علين اسعاره

ومايضربو غير عالراس واليا ميعدو هل ادباره



ما ينزلو غير م العلو مطارحين النزالي

فرسان ركابة الفلو ايعزوك يوم القتالي

اني هلي ورادة البير اللي قبل ما جاه والي

وهل البيوت الدناقير هلي نباهم عوالي



وديانا اللي سماح ونجوعنا اللي حداهن

هن عز للضيف والجار ويحمن الخايف ان جاهن


مادمهم غير كداب والله عدو كارهينه

هم كيف بو زيد ودياب سمح التنا جايبنه


نوصي ياخاطر الليل ما تدوخ بين النزالي

وانشد علي نجع هلنا انعشوك والمير غالي


ناهلي زينين زينين فراسين ماهم معاره

ان كان حاربو مايدلو وان ميعدو هل ادباره


انتي هلك يا عين زينين زينين وبيت الكرم بانينه

لاصنقرو في مواعيد ولا جارهم خاينينه


شراية اللي مرصع من السوق علين اسعاره

ومايضربو غير عالراس واليا ميعدو هل ادباره



ما ينزلو غير م العلو مطارحين النزالي

فرسان ركابة الفلو ايعزوك يوم القتالي

اني هلي ورادة البير اللي قبل ما جاه والي

وهل البيوت الدناقير هلي نباهم عوالي



نا العَيْن وانْتُو نظَرْها ونا لِيْد وانْتُو لصابِعْ.

ونا لَرْض وانْتُو مطَرْها بلاكَم اتْصِيْف المرابِعْ.

اِن كان رَبِّي عَطَاك يعِيْنَك عَلَى الدَّهر دِيْمة.

ترْمِي عَصَاتَك من اِيْدَك عَوْجا توَلِّي سقِيْمة.

الابِل طْوال العَرَاقِيْب وَيْن شَيّعَت ما تْواطي.

تطْوِي الوطَا طَيّ في طَيّ طَيّة طوِيل البْسَاطي

امْصَبِّي عَلَيْ واسِع الجال ويقُول زِيْدي بلُوله.

يَشْبَع اللي كان جَيْعان وان غاب جارْهم يرسلُوا له.

اللي طلَب يطْلِب الله ويقُول يا كرِيْم المعاطي.

والعَبْد خَلِّيك منّه لا يرفعَك لا يواطي.

زِيْن النّخَل في العَرَاجِيْن وزِيْن المْرَا في السّوالِف.

وزِيْن الذّهَب في الموازِيْن اِن كان طاح في ايْدَيْن عارِف.

يا رَيتْنا ما ضنَيْنا وَقتاً نوَيْنا الفْراقي.

واللي ضنَىَ ما تهَنّا واللي ما ضنَىَ بات شاقي.

لَولاد ما يعملوا خَيْر ورَبَّيتّم نَيْن صارَوا.

وانْهَفِّت عَلَيْهم كما الطَّيْر ووَيْن نَبّتَوا الرِّيْش طارَوا.

ناري عَلَى اللي غَرِيْب في بلاد ما هي بلاده.

والفَم يَضْحَك ويَلْعَب والقَلْب صابِغ سوَاده.

ما يَوْجْعَك غَيْر من مات ودَانَوا عَلَيْه اللحايد.

كَلاّ غَرِيْب البلادات يعَاوِد بْطُول المدَايد.

يا طالْعاً فَوْق في الجَوّ ابْنِي عَلَىَ الصِّحّ ساسَك.

ويا حارِث الشَّوك مِن تَوّ اتْشُوف العَجَب في دْرَاسَك.

فاعل الخَيْر هَنِّيْه وبالفَرْح تَزْهَىَ ايّامه.

وفاعل الشَّرّ عَزِّيْه توَلِّي عَلَيْه النّدامة.

يا رَيتني طَيْر ونْطِيْر وجناحي عَلَيْ لَرْض هافي.

انْجي لغَوْشكَم يا غَوالي انْمَيْعِد ونَقلَع ارْيافي.

والشايلة شَمّلَوها ملَت ضَرْعها بالشّمَالي.

والحايلة سَفّرَوها جابَت لذِيْذ الوْكالي.

القَلْب صَنْدوق للدَّسّ وعِلّة البنادِم لسانه.

والوذْن تَسْمَع الحِسّ والعَيْن تنْظِر بيَانه.

يا سعَد مَن غايْبه جاه ويا فَرحته يا دلاله.

ونا غايْبي طال مَرْجاه مشْتاقَة لتَوقة خَيَاله.

وهذه امرأة عمياء تخاطب أطفالاً يلعبون إلى جانبها:

يا عوَينكَم يا اعْوَيلة اللي صايدِيْن العَوَافي.

اللي تنظروا في بعَضْكَم واللي ترقدوا الليل وافي.

شَيْناه يا قِلّة المال ودَيْن الرّجال الشّحايِحْ.

اِيْواطِي الباهي العَصْرَان وشَيْبه بلا كبْر لايِحْ.

يا رَبّ خَلِّصْ عَلَيْ خَيْر نَيْن نخلْصُوا مِن جبَاهم.

ناسَاً تحَاحِي عَلَى الطَّيْر مِن خَوف ياكِل عَشَاهم.

اَجْعَل كلّ مَمْدود مَرْدود واجْعَل كلّ عَوجَا سقِيْمة.

واَجْعَل اخْطُوْرهم أَوْلافي معَا هَبّ لَرْياح دِيْمة.

البَيْت لُولا استَارَه يقِلّه نسُوم الهَبايب.

والنَّجْع لُولا اكْبَارَه ما ينْقدِع فِيْه عايب.

ما كَيْف خَيلهم خَيل دِيْمة عَلَفِّن بْزايد.

أَصايل اسْمَاح الصّهِيل ايْجَلَّن عَلَيك الغَدَايد.

حاذي المساعِيْد تَسْعَد حَتَّى بمَشْيَك معاهم.

وان كان حاذَيْت لَنْذال ايْغَبَىَ صوابَك احْذاهم.

ما يقْعدَن غَيْر لَصْيَات شَيْنات والاّ امْلاَحي.

لا سْبِد مِن قَولْهم مات أَمّا امْرَاض والاّ جْراحي.

نا اكْبرتْ واحْدَاب ظَهْري وعَيْني حَوَتّا ضبَابَة.

وازْعَمَا راه وَيْن قَبْري وفي وَيْن قِبلة ترابَه.

نا داي لُو صادَف اجْبَال اطْوَال عالْيات القنَايف.

يَبْقَن ضحاضِيْح ورْمال وهِن قَبل مَنْجىَ الخايف.

العَيْن للعَيْن مِيْزان والقَلْب للقَلْب راجِع.

بْنادِم ايْجِي بلَحْسان ويْبَاعْدَنّه امْواجِع.


و هذه المرأه تشتكي فارق الغاليه ولدتها وظلم الاقرباء


يا سعد من قال أمي ومن بيتها واجباته

تاريك يا ام جنه يا تعس من فارقاته

اخيه مامر ريقي واحيه ماحر دايا

واللي حسبته حبيبي ظهر عدو من ورايا

يا ميمتي يا وديده يا غاليا ما تهوني

جيتي عليا بعيده لمني تشيع عيوني

يا حاسه اللي انحسه يا ساهر الليل دوني

يا ميمتي لو نشاكيك نخبرك ما طرالي

نسقط عيوني نبكيك وانسهرك ليالي

بيت الام مهدوم وجامع بلا بوها خالي

ورزق الا بلا خوي مقسوم يصفى قليل اللمالي

يا ميمتي يا وديده يا غاليه في الضماير

سوال النبي والعقيده تعالينا يوم زاير

بو سرج فضه وبو فرس مريوحه

ياناس خلوله الطريق بروحه

ياطير ياطاير لي السماء توطى نزيدك رويشه


وعلي قد ريشك احجابات ونجيك ياسيد عيشه

ياريت خوتي ثلاثين واولا عمّي بزايد

ما ياكلوا لقمة الدين ولا يلبسوا جرد بايد

يا خوي كانك وخيّ إنت الراي وانا الدباره

كانك وخي النساوين حتى غلاي خساره

عيني تراجي في الفرس وسيده

مراجات قايد من بلاد بعيده

ياعين عوتدك بشبح الغالي

هبل من هبل ما دار كيف هبالي

الحب مادارلي شيء والكره مادار حاجة

نقعد عليكم كما البي سلطان واخذ مجازة

تريت المحبة تشرهيب والمعرفة بالجلاوي

سية حبيبي كما جرح هلٌي ماله مداوي

لا قابلوا شبح لا نبح ولا من يدل الذهيبة

كان القطا داير الحس والريم داير جليبة

مايوجعك غير اللي مات وحازم عليه اللحايد

كلا بعيد الجوابات ايروح بطول المدايد

الثلب لو شاب وحداب وطال السفر بالمعاشي

بيعيه ياصاحب النــاب وخــودي بحقه حواشي


هنا صاحبتنا تحاكي ريافها على الغايب المنتظر فلذة كبدها


أنا القلب بايت يخمم والعين باتت سمورة’

على حيكم يا عزيزين يالندرة وين شورةْ

سريرن ذهب لريلي فيه وسمس الضحى فيه غابت

جي دونكم يا بعيدين وكبدي من الوحش طابت

هيا نجوم الثريا زعم السزي وين داره

وكال عشب الحنية وقاد للشيخ ناره

ما فيه غير عجاجات والا الغربة يحومن

اللي حازكم يا عزيزين انظاري على من يومن

يا عين خيرك ترفي انشاء الله خبر خير دايم

ومطول دموعكم تشفى جباهلك ما بي ايلايم

القيت دارهم بالحلاويق ومراحهم لوَّلاني

حدر دمع عيني دلافين لوما لزمته عماني

مثلتكن يا عيوني كيف الشنان البايد

رشاشيح ما وصلن وهلنا بعاد الردايد

ساهيتكن يا عيوني باشي تصبرن عن فراقه

كفوا الدمع وارحموني محال نبدو رفاقه

زعم يا الغايب تجينا بعد طولت الوحش بيّه

من الدمع رانا هفينا روينا الصحارى أميّه

يا ريتني ما عرفته ولا شبّلي ليه خاطر

تباعد على شبحت العين وخلى دموعي قواطر

يا درانا وين جيتك عليّ خطر زول غالي

ويا ريتني ما لقيتك انحسه اريافي لجالي

اثبتن واشبحن زين طلحات والا بعاير

ولا كان ريتن الغالي يا ما لكَنْ من بشاير

صبرتهن ما نفع صبر كففتهن جنِّي ذوارف

عميّات بالدمع لنظار يبكن اللي موش عارف

لي عين بالدمع تنهال ولي قلب كاتر خيابا

على ونس غالي على البال واليوم دونا مجابا


رحلتو وخليتو زهاوي بالي

ونبي المحطة في القطا من تالي


( مجموعه هجاوي علي الام )


يا سعد من قال أمي ومن بيتها واجباته

تاريك يا ام جنه يا تعس من فارقاته


يا ميمتي يا وديده يا غاليه في الضماير

سوال النبي والعقيده تعالينا يوم زاير


يا ميمتي يا وديده يا غاليا ما تهوني

جيتي عليا بعيده لمني تشيع عيوني


يا حاسه اللي انحسه يا ساهر الليل دوني

يا ميمتي لو نشاكيك نخبرك ما طرالي

نسقط عيوني نبكيك وانسهرك ليالي


بيت الام مهدوم وجامع بلا بوها خالي

ورزق الا بلا خوي مقسوم يصفى قليل اللمالي


ناري عليه الغريب جاه المرض لين هاسه

لاخيته عند كرعيه لامينته عند راسه

يامنيتي سامحينه وادعينا بالربايح

والموت لازم تجينا وانفارقو بصحايح


يا الام ما كيفها ود ولا الاخت كيف لاخت كيف الدنيا

سامرات ليلة سموري وفارحات ليلة هنايا


يامنيتي جيت لدار لقيتها برمه جديده

وناخاطري ميس الحن من يوم جيتي بعيده


يا مينتي يا حننه مغلي علي جوارك

ويبقي وليدي يدودش ما بين داري ودارك



( الدهر(االزمن ) في هجاوة الرحا )



الدهر يا مختبل فيه ياقل منه نجاتك

وحتي ان خطنك بداريه تواليه متقفياتك


الدهر بالك تلومه اشبح حالته في العرايب

وكم من صقر عاد بومه وقعد سابل الريش خايب


الدهر يامير غدار كيف بارمات المغازل

وعلي الاول يرقيك لشراف وتاليه يوطيك نازل


الدهر ياخايب الناس ماداسلك من حبايب

وبني ساس مبني بالقواس جهر جهر ماله سبايب


كان ربك عطاك يعينك علي الدهر ديمه

ترمي عصاتك من ايدك عوجه اتولي سقيمه


نا الله خير بختي مصرف لسوق النكايد

حتي كان في الدهر مده مع الناس مالي سعايد


يا مينتي يا وديده وياغاليه واتهوني

والدهر رفعك علي من وين نشيع عيوني


شن دعوتي ويش مطراي ويا وحلتي في زماني

والناس في رحمة الله ونا في جهنم انعاني


نضحك مع اللي نحبه ونبكي ع اللي جفاني

ونمشي علي الشوك حفيان لين تنعدل يا زماني


زمان مضي وين كنا كيف الصقوره نحوموا

واليوم من جور ليام مانقدرو حتي نقوموا


( الصبر في هجاوة الرحا )


ياخالق الصبر مر وياخالق الزرع صابه

كان ماسترت اول العمر كمل لنا في عقابه


الصبر عند العرب مر وعند العوارف شجاعه

واشريه يازايد العقل كان ريت مهبول باعه


الصبر حمله تقيل يقطع جديد العراوي

ماتقله غير بكره ولاجماله متقاوي


الصبر ودك تهييه قبل لاتجيك المصيبه

وان مات غالي ماتفاديه وطول الحزن مايجيبه


الصبر مفتاح الفرج والصمت قيد السلامه

والسو يمسي ويصباح علي ففاعله بالندامه


الصبر مببني علي كيف الوطي والجبالي

كان الصبر فيه خير يالله تجعله راس مالي


اوقات في الصبر عله واوقات فيه لفايد

واوقات حملك اتقله وكان فيه الزوايد


اوقات نقلق ونزعل واوقات نرمي عباتي

واوقات نصبر ونرجي لين الصبر ياتي


الصبر هو طب الاوجاع والصمت يقهر الاعادي

واللي ترك باب الاطماع تحبه جميع لعبادي


رقة الغرض تجيب لفلاس واللي خاف جا لشنايع

راه الصبر والعزم والباس املاح مالهن شي ردايع


الصبر صابون لجواد والفقر ماو عار والي

وانشاء الله يادار هلنا مانقعدوا في خوالي


اللي صبر نال الارباح ونال مابغن قايداته

داوي صفافير لجراح وعاش طيبن في حياته


الصبر ديره عوينك ودير المليحه وداري

واللي مكتوب في جبينك ماعاد يمحاه والي


غير قولها تاجد الصبر كيف ماوجت العزايم

وكان ماغمنا قبر هلي فرق بينا يلايم


قوة الجبل وموج الابحار وقوز عاليات الرمالي

راه وزنهن روز في روز ماوازنن ماطرالي


الاسعاد ماهن بالاجهاد ولاهن بكبر الجهامه

ولا الصايبه فرغت زاد ولا الصبر عقبه ندامه


ياخطري كون صبار علي الموجعه نقسموها

وهانا رحلنا من الدار وخلي العرب يسكنوها


الصبر نشريه بقعود ولد ناقتي من حلالي

يابال نلقاه موجود من عند مولي لموالي


اصبر اليا قابلك صبر واحسن لمن كان جارك

واطرح كفوفك علي الجمر لين حاجتك تنقضالك


( الابل في هجاوة الرحا )



الابل ياخلق الابل معاها تقاون سعوده

واللي ياماماك عنده في الدار ينقب بعوده


انت حنينك يونس ياوارده عالمعاطن

واللي ياماماك عنده في الدار خلوه واطن


والشايله شملوها ملت ضرعها بالشمالي

والحايله سفروها جابت لديد لكيالي


ماتربطوها علي الديس ماعندها فيه راده

تبي عشاب النواوير مرابيعها في الحماده


تحزم الغالي من الفجر ويهلهلها يوم ماها

وعد الغالي كما الصقر يرودلها في عفاها

صبرنا وجا صبرنا خير واللي قسملك تناله


وحبيبك اليا كان يبغيك هو اللي يقولك تعاله


صبار وماني عجولي نجيب المعاني قباله

ونفسي علي جالة الموت وياغايب الدا تعاله


( هجاوي رحا علي الاخ )


خوي كدب من يدمه في الجيل ماله ردايع
ومحلا مشاكاة فمه يبري سلال الوجايع


واقف علي جلة البير ساقي حصانه بطاسه

هدا خينا يا ودوده مانحلفوا الا براسه


اخوي ليا جا مروح قجوج الخلا رامياته

وقلبي تقي راح نوار وعيني زهت يوم راته


نا خوي ماهوش في الخوت ولايحمل الضيم فيا

فزاع في القوم جاسر وخلاص حق الوليه


ناخوي ماهوش مدموم وكل العرب عارفاته

يفزع اليا جاه مظلوم ويطرح للحق عباته


ياصاحب العلو عليه ويازايد العمر زيده

واوخي البناويت نجيه مصباح في دار سيده


( هجاوي علي الاصحاب )


ان حاديث حادي الزينين اللي يشبحو للبعيده

وان سميث سمي محمد وان ناديث نادي سعيده



ان حاديث حادي الزينين وراهم اتحصل عباتك

والعفنين كيف الطوابين ان قعمزت تحرق عباتك


اخيه ياتمر فزان فيك مرار بعد الحلاوه

واخيه من صاحبك ليك كان بعد المحبه عداوه


ان عايبك صاحبك لاتعابيه صاحب العيب نادم

يزل القلم من عاليد يابال عقل لبنادم


مسكين زارع الفول في باب المدينه

ومسكين من ياخد القول في صاحبه ونور عينه


حادي الزينين تسعد حتي بمشيك معاهم

وان كانك حاديث للياش يغبي صوابك معاهم


( هجاوي شكوي الرحا )

طحين الرحا ما نحبه اينوض عليا اكتوفي

تعاليلها ياوديده يلي عليا اتروفي


شينك رحا رحيها موت عرقها يسيل الوادي

علي شانها نحرم القوت ونغصب ضمايد افادي


هيا رحا نطحنك سيف ولاهي دوارة عوافي

وان شاء االله ياكلك ضيف يجينا م البعد لافي


نوم الضحي هد صدري ونوم القوايل عماني

نومم لعشا مالقيثه انا يا وحلتي في زماني


ياماشي قول لمي بنتك طريحة وساده

طحين الرحي هد صدري وكلام المواجع زياده


نا يا رحا كيفك انجض مقلول كيفك هنايا

متطاول معايا مرض داريرات بيا سوايا


( هجاوي رحا في بعد الاهل )


عيني عماها الرفيف وقلبي خداه الريافي

من وحشتك ياولد بوي مانرقد الليل وافي



بعيد نجعكم يالغالي بعد السما عن الاراضي

وين تخطرو يابعيدين البلاد ايجدن امراضي


وين تخطرو ياغوالي يجي دمع عيني قواطر

بديت كيف من صايم الحول علي التوم والبصل فاطر


بعيدين يالعين بالحيل عرب نشغلوهم ايجونا

وجا دونهم حول في حول ورقراق ياشين لونا


علي هلي ماني رخيصه امغير جو بعاد الجلاوي

والحي منهم ايجيني مع واسعات الفجاوي


شيعت عيني واطيت ماقابلو في ردايد

تحير دليلي ونطيت وجا مع عيني بدايد


اللي بعدهم كيف الجدب واللي قربهم ريح جنه

منين فارقو هلك ياعين احنا ميسين المحنه


سيد ليبل وزينين لفعال لغابو يوحشوني

مازلت مشغولة البال لين ياغوالي اتجوني



( الجار في هجاوة الرحا )



والجار عيبه علي الجار يحاميه ويموت دونه

والقلب كماي لسرار واللي يخون الله يخونه


ودك اليا جاورك جار يجي زين وانته رديعه

وانت كما زيت غريان تشريه بالك تبيعه


ودك اليا جاورك جار يكون زين وانته رديعه

وماسمح الكحل في العين وماتسمعاش الوجيعه


ودك من العقل قنطار ومن الزين حتي وقيه

ودك اليا جاورك جار وراك مايعلو سيه


جيراني ياريهم دوم وجيراني باعد جفاهم

وجيراني هاالمليحين قفز خاطري وين راهم


يا من اللي جواره لديد كيف الام الحنونه

حتي ان تقاصن دياره في خاطري مانهونه


يامن الجار لحرف قله وباعد جواره

في البينه مادارلي خير وفي الباطنه تعقد ناره


جيرانا علموهنا لاعيب لاحس راقي

ياريثهم وجعونا يوما نو عالفراقي


جيرانا هالمليحين روس العرب وين كانو

ياريثهم وجعونا بيش خلفو بيش هانو


سوال النبي يامعدي علي الجار وصا نبينا

ماحد قسمه علي حد غير ونسة الدار زينه


ودك اليا جاورك جار هو زين وانته رديعه

مابينكم غير لقدار والفم مايضهر وجيعه

منقول.....

تحياتى وتقبلو مرورى يا أعضاء غوالي اخوكم صقر ورفله..عيسى الورفلي



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#2 
كبار الشخصيات
الصورة الرمزية

غير متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 3918
اشترك في : 02 06 2009
آخر زيارة : 13 09 2010
مشاركات : 1091 عرض
مواضيع: 145
المكان : بنغازي
الدولة : ليبيا
الجنس : أنثى
آخر مواضيع العضو

بلّغ عن هذه المشاركة


يا سعد من قال أمي ومن بيتها واجباته

تاريك يا ام جنه يا تعس من فارقاته

والله ما شاء الله عليك خوي صقر ورفلة بارك الله فيك على هذا النقل


للأعلى
   
 
 
#3 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة
كاتب الموضوع

مشكوره اختى الحميمه على الكلمات الرائعه وباك الله فيك على مرورك الطيب اتجاه موضوعي سلمتي اخوك صقر ورفله



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#4 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة
كاتب الموضوع

ياريتني طير ونطير في الجو نسبل جناحي
ونمشي لكم ياغوالي هاناك يبرن جراحي



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#5 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة
كاتب الموضوع

ياريتني جارة الشمس نشرف علي كل عالي
وين ننظرك ياالغالي يزهي دليلي وبالي



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#6 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة
كاتب الموضوع

ياشمس كونى رسيلة بين العزيز وبينى
واخظعى واشتكيله من غيبتا نور عينى



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#7 
كبار الشخصيات
الصورة الرمزية

غير متواجد

9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية9 سنوات عضوية
رقم العضوية : 4502
اشترك في : 08 11 2009
آخر زيارة : 07 09 2019
مشاركات : 1932 عرض
مواضيع: 81
الصور: 25
المكان : بني وليد
الدولة : السعودية
الجنس : ذكر
آخر مواضيع العضو

بلّغ عن هذه المشاركة
كاتب الموضوع

ليام كيف الدراجيح يدورن علي كل والي
مافرقن بين لحباب وماقزنن من غوالي



_________________
ما كيف نومك نوم**عندي خير من هوتيل خمس أنجوم **يا وادي الرتم
للأعلى
   
 
 
#8 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


ماتنطقي عيب للجار
ياوصف ريم الجليبه
يخلف علي من يرببيك
واللي رضعتي حليبه


للأعلى
   
 
 
#9 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


لاقابله شبح لانبح
لامن يدل الدهيبه
امغير القطا داير الضبح
والريم داير جليبه


للأعلى
   
 
 
#10 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


ياقارين الجوابات
راني عليه انتفاجا
سوال النبي خبروني
الغالي طراتلاش حاجه


للأعلى
   
 
 
#11 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


راعيتم غير بالعين
وبالنزل ماهم قرايب
جا بينا مشي يومين
وقلبي من الوحش طايب


للأعلى
   
 
 
#12 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


ناهلي عرب لبساطات
وعرب لقصاعي الملايا
وعرب الولد يكرم الضيف
من صغرتا له هوايا


للأعلى
   
 
 
#13 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


ياعون من هود الليل
ودار القمر عن يساره
وجا لبيتكم ياغوالي
هدرز وقصر نهاره


للأعلى
   
 
 
#14 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


نا هلي ضرابة الريم
عرب ينزلو كل وادي
وتاريخهم مو منكور
ديما عليهم اينادي


للأعلى
   
 
 
#15 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


ياخوي راني انوصيك
ماترافق اللي يخونك
وانتا رفيقك ولد بوك
ايجي هاين الروح دونك


للأعلى
   
 
 
#16 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


مايذبحو غير خرفان
ومايركبو غير غره
وما يحرثو غير وديان
ومايكسبو غير حره


للأعلى
   
 
 
#17 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


طلب لجاويد باالعين
وموت الحنش قص راسه
وكثر لماهاه لدين
تسابيب قلة خلاصه


للأعلى
   
 
 
#18 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


الكبد ياخالق الكبد
شاويها مشتهيها
ياخذ ايقلب علي النار
لين ماقعد ني فيها


للأعلى
   
 
 
#19 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


زين النخل بالعراجين
وزين المرا بالسوالف
وزين الولد وازن العقل
اللي كلمته مايخالف


للأعلى
   
 
 
#20 
الصورة الرمزية

متواجد

10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية10 سنوات عضوية
رقم العضوية : 2872
اشترك في : 01 11 2008
آخر زيارة : الأمس
مشاركات : 2653 عرض
مواضيع: 590
المكان : ليبيا
الجنس : أنثى
آخر مواضيع العضو

بلّغ عن هذه المشاركة


لاباس جرد الجريدي
ومعنقر علي الراس حره
هضاك نور عيني
ماوجع القلب مره


للأعلى
   
 
 
مشاركات سابقة منذ:  فرز حسب  
كتابة موضوع جديد الرد على الموضوع  [ عدد المشاركات 52 ] 

 مواضيع مشابهة   الكاتب   ردود   مشاهدات   آخر مشاركة 
غناوي عالحن_

[ انتقل للصفحة: 1, 2 ]

في غناوي و شتاوي

الخياله

26

2149

الخميس سبتمبر 19, 2019 5:48 ص

الخياله عرض آخر مشاركة

غناوي عالغني

[ انتقل للصفحة: 1, 2, 3, 4 ]

في غناوي و شتاوي

الخياله

61

2575

الخميس سبتمبر 19, 2019 4:30 ص

الخياله عرض آخر مشاركة

غناوي وشتاوي عالغياب_

[ انتقل للصفحة: 1, 2 ]

في غناوي و شتاوي

الخياله

21

60

الخميس سبتمبر 19, 2019 4:59 ص

الخياله عرض آخر مشاركة

غناوي وشتاوي عالنسيان_

[ انتقل للصفحة: 1, 2 ]

في غناوي و شتاوي

الخياله

27

164

الخميس سبتمبر 19, 2019 5:51 ص

الخياله عرض آخر مشاركة

العاقل اللي كان صبًار_

في الشعر الشعبي الليبي المكتوب

الخياله

0

324

الجمعة مارس 01, 2019 3:02 ص

الخياله عرض آخر مشاركة




المتواجدين الآن

بإشراف

المستخدمون المتصفحون لهذا المنتدى: الخياله و 9 زائر/زوار

ونيس العوامي


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

خريطة الموقع:  


* هل تعاني من بطء الاتصال؟ ، يمكنك استخدام الموقع بشكل أسرع مع الإنترنت البطيء. تغيير المظهر من الأسفل
الوقت الآن الجمعة سبتمبر 20, 2019 2:11 ص ( GMT + ساعتين )


المظهر:
قوانين المنتدى - حذف ملفات المنتدى المؤقتة - اتصل بنا -  إلى الأعلى